Тензии во Арапското море: Ракетиран израелски брод

1388

Според досега непотврдени информации, израелски брод кој плови под знамето на Либерија со име “Лори”, бил нападнат денеска со противбродска ракета.

Бродот инаку е во сопственост на компанија од Хаифа, а од пристаништето Дар ес Салам испловил на 20-ти март и тргнал кон Индија.

Како што јавуваат израелските медиуми, на бродот е причинета материјална штета, а повредени и загинати нема, па ќе го продолжи патот кон Индија. Како што се наведува, кај брегот на Оман бродот извел остар маневар меѓу 15:50 i 16: 55 часот по локално време. Нападот се случил на 330 наутички милји , односно на 611 километри од брегот.

Пред две недели, ирански брод-контејнер бил оштетен во “терористички напад” на Медитеранот, рекол портпаролот на државната бродарска компанија “IRISL”.

Минатиот месец брод во сопственост на израелската компанија “MV HELIOS RAI” бил погоден во експлозија во Оманскиот залив. Израел проценил дека експлозијата била напад на Иран против брод во израелска сопственост. Иран тогаш ја негирал вмешаноста.

“Остро го отфрламе ова обвинение”, рекол Сајед Катибзадех, портпарол на Министерството за надворешни работи во Техеран.

ПОВРЗАНИ НАПИСИПОВЕЌЕ ОД АВТОРОТ