Полицијата во Нов Зеланд го ликвидираше напаѓачот кој со нож повреди најмалку шест лица во еден супермаркет во Окланд. Премиерката, Џасинда Ардерн, го карактеризираше нападот како терористички акт во кој напаѓачот бил инспириран од Исламската држава.
„Напаѓачот живее во Нов Зеланд од 2011 година, а од 2016 година е регистриран како предмет на интерес од страна на службите. Чинот кој го изврши е вреден за презир“,
вели премиерката Ардерн во обраќањто до јавноста.
Таа додаде дека напаѓачот, чиј идентитет не се открива, бил и под надзор, но невозможно било да се надгледува 24 часа.
„Реалноста е таква што не може постојано да биде следен, иако службите реагираат навремено и спречија поглема штета“,
вели Ардерн.
Според тамошните медиуми, три од шесте повредени лица се наоѓаат во критична состојба.
