На последниот ден на НАТО самитот во Брисел, Ангела Меркел, германската канцеларка, предложила итен состанок зад затворени врати. Итниот случај наводно бил Доналд Трамп.
Неколку минути пред тоа, претседателот на САД наводно дошол на вечерната сесија каде претседателите на Украина и Грузија зборувале за своите земји кои тежнеат да пристапат кон Алијансата. Трамп ја прекинал нивната презентација и вербално ги нападнал членовите на НАТО, им упатил навреди и го обвинил дека се “слободни јавачи” на американската моќ.
Се заканил дека ќе оди “по својот пат” доколку тие не платат веднаш повеќе пари за одбрана. Својот бес го центрирал на Меркел, европскиот демократски лидер со најдолга функција.
So I wrote a print piece for @newyorker about Europe's other crisis: Donald Trump, and it's up now… https://t.co/NcMyzRR3m5
— Susan Glasser (@sbg1) December 17, 2018
“Ти, Ангела”, наводно и се обратил прекорно.
НАТО лидерите наводно биле шокирани од тоа што го нарекле “бизарен спектакл” при говорот на Трамп. Претседателката на Литванија, Далија Грибуаускајте, застанала во одбрана на канцеларката. Германија пратила трупи за да ја заштити Литванија од Русија, поентирала таа. Данскиот и норвешкиот премиер исто така застанале во одбрана на канцеларката.
Во аголот на собата, Меркел правела стратегија со другите Европејци како да го сопрат Трамп. На крајот, Марк Руте, премиерот на Холандија, му го понудил на претседателот тоа што најмногу го сакал: пат кон победата. Руте забележал дека кога Трамп ја преземал функцијата, членките на НАТО ги кренале нивните буџети за одбрана во вкупен износ од 70 милијарди долари. Прогласете победа, повикал претседателот. Трамп го направил токму тоа.
Потоа, кога излегол од состанокот пред новинарите, американскиот претседател лажел тврдејќи не само дека сојузниците капитулирале пред него, туку и дека рекле дека ќе го земат во предвид неговото барање да ги кренат годишните трошоци за војска на четири проценти. Претседателот на Франција, Емануел Макрон, објавил соопштение во кое ги побива таквите тврдења.
