Сатиричниот магазин „Шарли Ебдо“ на својата насловна страница го стави турскиот претседател Ердоган. Турција реагира остро и обвинува за „културен расизам“.
Турција остро ја осуди насловната страница на францускиот сатиричен магазин „Шарли Ебдо“, на која има карикатура на турскиот претседател Реџеп Таип Ердоган. Ердогановиот директор за комуникации, Фахретин Алтун, го обвини магазинот за „културен расизам“.
„Таканаречените карикатури“ се „одбојни“ и без човечки морал, се вели во соопштението на Алтун. Тој пишува дека „анти-муслиманската агенда на францускиот претседател Емануел Макрон носи плодови“.
Erdogan : dans le privé, il est très drôle !
Retrouvez :
👉 Laïcité : zoom sur le CCIF par @LaureDaussy
👉 Voyage dans la crackosphère parisienne par @AntonioFischet8 et Foolz
👉 Reportage à Lunéville et son théâtre par Juin➡ Disponible demain ! pic.twitter.com/jxXqKrvXbK
— Charlie Hebdo (@Charlie_Hebdo_) October 27, 2020
Карикатурата објавена денеска на насловната страница на „Шарли Ебдо“ носи наслов: „Ердоган: Во четири очи е многу забавно“. На неа е прикажан турскиот претседател Ердоган во маица и гаќи кој пие од лименка. Притоа, Ердоган го поткрева здолништето на забрадена жена за да и’ го открие задникот. „Ооо, пророк“, вели фигурата. Насловната страница носи наслов „Ердоган – приватно е многу забавен“.
Односите на Франција и Турција се вжештени со денови. Повод беа изјави на Макрон за слободата на мислење и за исламот по бруталното убиство на професорот Самуел Пати од страна на осомничен исламист. Францускиот претседател повеќепати застана во одбрана на слободата на мислење и на објавувањето карикатури. Самуел Пати ги прикажал карикатурите за пророкот Мухамед во текот на настава за слободата на мислење.
