Главното турско биро за проектирање на авиони го прикажало одговорот на Анкара на загубата на F-35, авионот кој Турција се надевала дека ќе го купи од САД.
Напоредно со преговорите меѓу Турција и САД за купување на американскиот F-35 и притисоците на Вашингтон Анкара да се откаже од купување на руските противвоздушни комплекси S-400, турската компанија “Aerospace Industries” го претставила својот најнов модел на ловец од петтата генерација – TF-X.
Вашингтон неодамна го одложил тој договор поради приговори на купувањето на системите за противвоздушна одбрана S-400 од Русија. На аеродромот “Ле Бурже” бил прикажан борбен авион со два мотори, со вертикална опашка, кој малку потсетува на F-35, но со тесен труп и широк распон на крила, пишува порталот “Military”.
“мојата компанија всушност го изработува центарот на трупот на F-35”, рекол претседателот и извршен директор на компанијата TAI, Темел Котил. TAI бил секундарен снабдувач на американската компанија “Nortrop Gruman”, кој ги изработува повеќето делови за F-35.
“Во смисла на производство, TAI е во состојба да го изгради овој борбен авион”, рекол Котил. “Нашиот воен авион е макета, но во 2023-та година ќе биде вистинска машина, а првиот лет е планиран за 2025-та”.
Од компанијата “Aerospace” тврдат дека TF-X ќе биде “најдобар борбен авион во Европа” и дека ќе може да носи “Meteor”, ракета со голем дострел од типот воздух-воздух, која ја развива европскиот произведувач MBDA.
Меѓутоа, службеничката на Пентагон на која и било поставено прашање, одбила да коментира дали TF-X претставува најава дека Турција се откажува од купување на американскиот “F-35”, изразувајќи надеж дека Анкара ќе се откаже од купувањето на S-400.
Американскиот одбранбен ресор изразил страв дека, ако Турција истовремено користи и F-35 и S-400, на американските противници би можела да им ги открие слабостите на F-35.
Анкара истовремено покажала интерес и за други авиони од петтата генерација, вклучувајќи ги рускиот Su-57 и кинескиот FC-31.
