Твитер-профилот на американскиот претседател во заминување Доналд Трамп беше трајно блокиран, што беше негов популарен начин за комуникација со јавноста. Многу познати личности во САД го поздравија овој чин.
Причината за блокирање на твитер-профилот на Трамп е ризикот од понатамошно поттикнување на насилство. Покрај Твитер, и Фејсбук и Инстаграм ги суспендираа профилите на Трамп по немирите во Вашингтон, кога неговите приврзаници го нападнаа американскиот Капитол.
Американските јавни личности ја пофалија Твитер платформата за брзо донесената одлука за забрана на претседателот во заминување да ја користи социјалната мрежа.
Меѓу нив беше и манекенката и ТВ-водителка Криси Тајген, која во една прилика беше блокирана од Трамп, а овој пат ја поздрави одлуката, но и „гласно се изнасмеа“ преку нејзиниот твитер профил.
AAAAAAAAAAAAHAHAHAHAHAHHAHAHAHAHAHHAHAHAHAHAHAHAHAHAHHAHAHAHAHAHHAHAHAHAHAHAHAHAHAHAHAHAHAHAHAHAAHHAHAAHHAHAHAHAHAHAHAHAHAHAHAHAHHAHAHAHHAHAHAHAHAHAHHAHAHAHAHAHHAHAHAHAHHAHAHAHAHHAHAHAHHAHAHAHAHAHAHAHAHHAHAHAHAHAHAHAHAHHAHAHAHAHAHAHAHHAHAHAHAHAHAHAHAHAHAHAHAHHAHAHAHAHAHHAHAHAHAHA https://t.co/IboPtOuWcP
— chrissy teigen (@chrissyteigen) January 8, 2021
„Ова е најважниот момент во историјата на социјалните мрежи. Најголемите платформи на светот го блокираа човекот кој ги прошири најголемите лаги, заговори и омраза во светот. Секој вработен на Фејсбук и Твитер, секој корисник на овие социјални мрежи и сите оние кои се залагаа за ова и кои се бореа за ова – ви се заблагодарувам“, напиша Саша Барон Коен.
This is the most important moment in the history of social media.
The world’s largest platforms have banned the world's biggest purveyor of lies, conspiracies and hate.
To every Facebook and Twitter employee, user and advocate who fought for this–the entire world thanks you! pic.twitter.com/jihFaOA39G
— Sacha Baron Cohen (@SachaBaronCohen) January 9, 2021
Актерот од Марвел, Марк Руфало, исто така, се заблагодари на Твитер за блокирањето на профилот на Трамп.
И Стивен Кинг го пофали потегот и рече дека тоа го прави горд што е корисник на Твитер.
Бет Мидлер, американска пејачка, ги коментираше настаните.
„Црковните камбани ѕвонат низ земјата, за секој да знае! Готово е! Трамп е запрен да поттикнува насилство преку Твитер“, стои во нејзината објава.
