Корисниците на Твитер ја обвинуваат социјалната мрежа за двојни стандарди, реагирајќи на твитот на претседателката на Претставничкиот дом во Конгресот на САД, Ненси Пелоси од 2017-та година, кој содржи тврдења дека изборите во 2016-та година биле украдени.
Голем број на корисници на Твитер се посомневаа во доследноста на оваа социјална мрежа, тврдејќи дека и твитот на Пелоси поттикнува насилство.
Our election was hijacked. There is no question. Congress has a duty to #ProtectOurDemocracy & #FollowTheFacts.
— Nancy Pelosi (@SpeakerPelosi) May 16, 2017
Токму овој аргумент Твитер го искористи минатата седмица за трајно да го деактивира корисничкиот профил на американскиот претседател Доналд Трамп.
„Се чини дека постојат двојни стандарди во врска со тоа што е дозволено на Твитер“, вели еден корисник, додека друг целата ситуација ја опиша како лицемерие.
Да потсетиме, откако Трамп започна да тврди дека е извршена измама на последните претседателски избори, социјалните мрежи Твитер и Фејсбук под неговите објави „појаснуваа“ дека неговите тврдења се неосновани.
