Популарната водителка споделила видео на кое дава инструкции како направите лесен тренинг дома доколку сте бремени.
Шпанската убавица Пилар Рубио на 42 години чека четврто дете со фудбалерот Серхио Рамос, а оваа убава дама неодамна објавила на Инстаграм кратка снимка на која покажала дека ни во поодмината бременост не пропушта вежбање.
Популарната водителка споделила видео на кое дава инструкции како направите лесен тренинг дома доколку сте бремени, а истакнала дека истиот ја одржува енергијата на високо ниво.
“Будење на телото за да се одржи енергија во текот на денот. Ова е рекапитулација на кругот кој го повторив четири пати. Поради мојата бременост, тренингот кој ви го покажувам е прилагоден на тоа што можам да го направам сега. Секоја трудница мора да го прилагоди својот тренинг на физичките услови на својата состојба и да се консултира со професионалци”, објаснила атрактивната бринета.
Пилар вежбала во тесен шарен комплет, докажувајќи дека секогаш изгледа феноменално, а фановите биле воодушевени од фактот што на снимката таа нема ни грам шминка, а сепак изгледа неверојатно свежо и блескаво.
Инаку, на водителката и Серхио Рамос ова ќе им биде четврто дете. Тие веќе имаат тројца синови – Серхио, Марко и Алехандро. Полот на бебето се уште не го објавиле.
