Во синоќешната борба во Лас Вегас, поранешниот шампион Јан Блахович извојува нова победа и му го нанесе првиот пораз преку нокаут (трет во кариерата) на противникот Александар Ракиќ.
Сепак нешто што најмногу се дискутираше беше стравичната слика на крајот од борбата. Во саботниот главен настан на UFC Vegas 54, Ракиќ доживеа тешка повреда на коленото во третата рунда при што Блахович ја искористи шансата да извојува нокаут победа која е негова 29-та во кариерата. Ова беше прва борба на пољакот откако ја загуби титулата во полутешка категорија од Гловер Тешеира на UFC 267 минатиот Oктомври. По синоќешниот триумф има серија од 6 победи на последните 7 борби.
Со победата, Блахович останува во позиција повторно да се бори за титулата. Полскиот ветеран (исто како и останатите борци во полутешката категорија) ќе мора да почека за да види што ќе се случи помеѓу на дуелот помеѓу Гловер Тешеира и Јиржи Прочаска на UFC 275 кое ќе се одржи на 11 јуни годинава.
Димитар Младеновски
