Телевизија „1Тв“ извести дека во нивниот медиум се случил насилен упад, при што напаѓаџите го барале Сергеј Варошлија.
Насилен упад се случи вчеравечер во просториите на телевизијата. Четири млади лица на возраст од околу 25 години и покрај затворената капија на дворот, успејаа да влезат во просториите барајќи го водителот Сергеј Варошлија.
Првично се претставија како негови роднини, но нашите вработени лица го забележаа нивниот очигледен револт, а сомнително беше и тоа што бараа негов телефонски број како и времето кога доаѓа и заминува нашиот колега.
Очигледни беа нивните насилни намери, поради што нашите вработените побараа помош, а лицата кои упаднаа избегаа од телевизијата. 1ТВ изутрина ќе го пријави случајот во полиција, бидејќи сметаме дека станува збор за планиран напад, кој можел да има сериозни последици. Се надеваме дека органите на прогонот во најскоро време ќе го расчистат случајот и ќе ги санкционираат напаѓачите.
Нашиот тим најостро ги осудува ваквите обиди, како и повиците за линч или насилство врз водителот Сергеј Варошлија, поради коментарите во неговото шоу „Студио Мода“. Поради ова уште еднаш го повторуваме и ставот кој Варошлија го има кажано во неколку наврати: не ги сфаќајте овие коментари како личен напад, туку само како добронамерен совет и експертска анализа.
Минатата недела и експерти за медиуми во нашето студио образложија зошто говорот на Сергеј не е говор на омраза.“
Секторот за програмски работи испрати писмен извештај до директорот на Агенцијата за аудио и аудиовизуелни медиумски услуги (АВМУ), Зоран Трајчевски, во кое предмет на вонреден надзор е контроверзниот стилист и водител Сергеј Варошлија и програмскиот блок „Мода“ што се емитува на 1ТВ.
Во извештајот инициран од граѓани кои биле исмејувани стои дека се користени материјали (фотографии) од социјалните мрежи без согласност на сопствениците меѓу кои и на малолетници, дека се прекршени правилата за користење на лични податоци, дека е користен „говор на омраза“.
Комплетниот извештај кој денес го споделуваа на „твитер“ прочитајте го ТУКА
