Најновиот лет на хеликоптерот на НАСА на Марс беше најамбициозниот досега, а инженерите велат дека ќе се обидат да постигнат уште подобар резултат.
Минијатурниот хеликоптер “Ingenuity”, тежи помалку од 2 килограми, а на Марс се наоѓа во рамките на мисијата на роверот “Perseverance”, го изврши третиот лет, а овојпат над Црвената планета лебдеше 80 секунди.
Според податоците на НАСА, хеликоптерот се искачил на висина од пет метри, а потоа извел бочен маневар од 50 метри. Летот траел 80 секунди, а потоа хеликоптерот се вратил на почетната позиција.
The #MarsHelicopter is really “spreading its wings” now – even pushing beyond my camera's field of view. Watch my view of Flight #3, as Ingenuity takes off on a long run (164 ft/50 m) down its flight zone and back. https://t.co/ESQu9PIL9S pic.twitter.com/PzEoD3XoHA
— NASA's Perseverance Mars Rover (@NASAPersevere) April 25, 2021
Инженерите велат дека би сакале да ги тестираат крајните граници на леталите, па макар и ако тоа значи уништување на малиот хеликоптер. Претходните два лета беа извршени во понеделникот и четвртокот, а првиот ќе остане запишан во историјата како прв контролиран лет на друга планета.
