Основниот кривичен суд Скопје му изрече три месеци условна казна затвор на Александар Маленко поради фалсификување исправи на Пливачката федерација на Македонија.
Александар Маленко беше сменет од функцијата претседател на Пливачката федерација на Македонија, но тој продолжи да дејствува како таков, без поддршка од клубовите. Според централниот регистар на Македонија, Александар Филипчев е прв човек на македонското пливање со решение од 07.06.2019.
Во меѓувреме претседателот на Националната пливачка федерација, Александар Филипчев поднесе кривична пријава за Маленко за лажно користење на печати и лажно претставување.
