Претседателот на Русија и Кина, Владимир Путин и Си Џинпинг, се сретнале во Москва, а по тој повод московската зоолошка градина добила подарок две панди.
Џипинг на свеченоста ги претставил пандите, Ру Ји и Динг Динг, а потоа ја продолжил прошетката со, како што рекол, својот надобар пријател, Путин.
Пандите спаѓаат во загрозени животни, а во Кина тие се сметаат за национално богатство. Така, Русија стана една од 18-те земји во светот што ги прими овие животни.
„За пандите зборуваме со насмевки на лицето“, им рече Путин на новинарите на прес-конференцијата во средата.
Рускиот претседател му се заблагодари на кинескиот колега за „пријателски гест”, бидејќи ги испратил овие животни во Москва. Тоа, според него, покажало дека Пекинг им оддал почит на билатералните односи меѓу двете земји и на најдобар начин ги испочитувал руските експерти за животни.
Двете џиновски панди – мажјакот Ру Ји кој на 30 јули ќе наполни три години и женката Динг Динг која е една година и еден ден помлада од него – пристигнале од Кина во април, и оттогаш се во превентивен карантин.
Путин и Кси Џинпинг ги посетиле во новоизградениот павилјон. Тие ќе ги поминат следните 15 години во рускиот главен град, а за тоа време ќе бидат во сопственост на кинеската држава.
