Дуелот беше решен на почетокот на второт дел кога „црвено-црните“ заиграа како што треба. Одбраната почна да функционира на ниво, нападот ефикасен со речиси максимална реализација и технички грешки сведени на минимум сето тоа донесе нова четврта победа.
Почетокот на натпреварот почна изедначено, а по 3:3 гостите од Германија во 10 минута поведоа со 5:3 водство кое го имаа во најголемиот дел од првиот дел. Вардар успеа да изедначи на 5:5 и на 6:6, но тоа беше последното израмнување откако РНЛ направи серија од 4-1 за водство од 10:7. Во финишот на првиот дел бундеслигашот имаше предност и од четири разлика 15:11, но „црвено-црните“ сепак намалија и на полувреме беше -2 (13:15).
На почетокот на вториот дел со двата гола на Дибиров Вардар ја искористи предноста од играч повеќе и изедначи на 15:15, а брзо потоа го имаше го имаше и првото водство 16:15.
По двата гола на Игор Карачиќ Вардар во 45.минута првпат имаше два гола предност -23:21. Вардар водството го одржуваше со серијата одбрани на Дејан Милосављев (заврши со 11 одбрани) и во последните 10 минути влезе со три голови предност – 27:24.
На карјот Вардар победи со 29:27.
Најефикасен кај Вардар беше: Дибиров со 8 , додека во редовите на РНЛ Петерсон 7 , а македонскиот репрезентативец Талески беше стрелец на 1 гол.
На другите дуели од група А одиграни денеска:
Мешков Брест – Веспрем 28:29
Барселона – Монпелје 35:27
Киелце – Кристијанштад 33:31
Табела: Вардар 8, Барселона 6,Киелце 6, РНЛ 4, Мешков Брест 4, Веспрем4, Монпелје 0, Кристијанштад 0.
