Ракометарот на Вардар Рожерио Мораеш ќе мора да замине на операција на коленото што значи дека „вардарци“ во следниот период дополнително ќе бидат ослабнати на пикерската позиција каде ќе мора да играат повеќе време капитенот Стојанче Стоилов и Глеб Калараш.
Бразилецот во „црвено-црниот“ дрес беше играчот кој ги собра симпатиите на наваивачите на Вардар пред се со големата борбеност и ангажираност. Повредата и болките во коленото беа преголеми за да продолжи да игра. Мораеш со болки настапуваше околу три месеци и голема е среќата што повредата не е дополнително влошена.
На својот профил на Инстаграм Мораеш напиша дека вчерашниот дуел со Барселона бил последен за него годинава за Вардар и дека брзо очекува враќање на теренот.
Мораеш треба да биде дел од репрезентацијата на Бразил на СП во Германија и Данска, а можно е Мораеш во дресот на Вардар да биде за натпреварите од Лигата на шампионите кои ќе продолжат во февруари следната година по ракометниот Мундијал.
