И трета сезона по ред, завршниот Ф4 турнир од Лигата на шампионите во Келн ќе биде побогат за македонскиот шампион Вардар. „Црвено-црните“ синоќа и покрај поразот од ПИК Сегед, успеаа во меѓусебниот двомеч да бидат подобро.
Пред околу две седмци Вардар се соочи со сериозни проблеми во играчкиот кадар сооглед на тоа што остана речис без ниту еден лев бек.
Вуко Борозан поради финансиските проблеми си замина предвреме од клубот, додека Кристијан Дисингер доби незгодна повреда за време на финалето од СЕХА. Третата опција, Сергеј Горбок се уште не е подготвен доволно откако поради повреда паузираше речиси цела сезона.
Но не е се така црно за Вардар. Имено Германецот Дисингер кој беше со тимот и во Унгарија се реши да ризикува и да ја одложи операцијата на раката, а се со цел да и помогне на своите момци, па и тој ќе биде во ростерот за Келн.
