Откако ги објавил скриените снимки од болните крави и разоткрил илегални работи во кланицата во Полска, новинарот Патрик Шчепаниак раскажал што се доживеал во текот на тринеделниот престој во кланицата.

Минало околу една недела откако се појавиле шокантните снимки од полската кланица во Калиново, кои прикажуваат како болни крави се шверцуваат во текот на ноќта во кланицата и се обработуваат без никаква ветеринарска инспекција. Аферата ја разоткрил полскиот новинар Петер Шчепаниак, и за “Euractiv” раскажал како се подготвувал за задачата и што се доживеал во текот на тринеделната истражувачка работа. 

“Најшокантно ми беше кога ја видов првата крава, која ја извлекоа од камионот на колење, немаше глава…Бев толку шокиран што само го направив тоа што ми кажаа да направам, а ми река да се погрижам за торзото”, ја започнал својата приказна Шчепаниак.

Таа ноќ изброил 20-тина болни крави кои одвај можеле да стојат на нозе.

Ставал ветеринарски печат без ветеринар

Иако и самиот е вегетаријанец и не јаде месо, откако влегол во ноќната смена почнал да јаде и месо како другите работници и да обработува болни делови од животните. Бил згрозен од сето тоа, но издржал, бидејќи имал повисоко цели.

“Шефот ми нареди да ставам ветеринарски печат дека месото е во ред. Тоа беше месо кое никој не го прегледа и тоа го правев без присуство на ветеринар. Јас морав да ја работам ветеринарската работа”, рекол тој.

Тврди дека кланицата во која работел имала “многу доверлив доставувач од северот на Полска”, каде ги продавале најлошите делови од местото, “болните и заразените, кои се преработувале и се продавале како колбаси и кебапи”.

Од ветеринарите зависи целиот состав

Според неговото мислење, грешка направила ветеринарската служба, еднакво како и државата, која не се грижи доволно за фармерите.

“Кога тие ќе погрешат, тогаш целиот состав пропаѓа. Освен тоа, во Полска има недостиг на потпора за фармерите. На пример, ако некој има болна крава, често нема пари да ја лечи или да ја убие на хуман начин, со инекции, како што предвидува законот, па се ослободува од неа”, објасил Шчепаниак за “Euractiv”.

За среќа, досега не примил никакви закани, но интересно е дека државните медиуми во Полска воопшто не известувале за овој инцидент.

Полицијата ги отстранила снимките од видео-надзорот

Раскажал дека предлогот на полската влада да се постави видео-надзор во кланиците не е лош, но дека не е вистинското решение на проблемот.

“Тоа е добар почеток, но во случајот со кланицата во која работев, постоеја камери поставени низ целата кланица, но кога по излегувањето на репортажата дојде полиција и ги бараше снимките од видео-надзорот, тие на некој магичен начин исчезнаа”, тврди тој.