Авион од Втората светска војна принудно слета на фреквентната плажа Кокоа во Флорида, на само неколку метри од шокираните пливачи.
Едномоторниот авион TBM Avenger кој учествуваше на аеромитинг во близина поради механички дефект започнал да паѓа, па пилотот со своите фантастични вештини успеа да го спаси својот живот и безбедно да слета во плитката вода покрај самата плажа.
„Спасувачките екипи за кратко време пристигнаа на местото на несреќата и пилотот не е повреден“, соопштија организаторите на Cocoa Beach Air Show.
„Пилотот во последен момент ги избегна капачите кои беа во морето. Потоа излезе од авионот, изгледаше добро“, изјави сведок.
TBM Avenger е американски торпеден бомбардер направен за американската морнарица и маринци. Во служба стапи во 1942-ра година, а пилотите кои управувале со ваквиот тип на авион учествувале во битката кај Мидвеј која се водела помеѓу американската и јапонската морнарица.
