Турција започна да гради огромен ѕид на границата со Иран за да го спречи приливот на авганистански бегалци кои бегаат од талибанскиот режим, пренесуваат светските агенции.
Според најновиот извештај на Би -Би -Си, турските власти издале наредба за изградба на ѕид на границата со Иран со цел да се спречи голем бран бегалци, но и евентуална инвазија на инфилтрирани Талибанци меѓу нив.
Засега, според извештаите на агенциите, пет километри од границата се веќе во фаза на работа и со тешка механизација а граничниот појас на кој се гради тој ѕид е долг 295 километри.
VIDEO: Turkey is building a wall along its border with Iran to prevent a new influx of refugees, mainly from Afghanistan as the Taliban take over the country.
For now, a 5km section is under construction but Turkey is aiming to build a 295km-long wall on its Iranian border pic.twitter.com/YJAZgUOEGa
— AFP News Agency (@AFP) August 17, 2021
Откако меѓународните трупи предводени од САД се повлекоа од Авганистан, Талибанците ја окупираа целата земја за помалку од еден месец, а последниот што падна беше главниот град Кабул, од каде пристигнаа драматични слики на луѓе кои умираат обидувајќи се да побегнат од земјата.
Според агенциите, десетици илјади луѓе очајно бараат начин да ја напуштат земјата. Претпоставката е дека реките бегалци ќе течат кон Иран, а потоа и кон Турција.
