(ВИДЕО) Јувентус со пресврт го совлада Наполи: Манџукиќ двоен стрелец, Роналдо двоен асистент

923

Екипата на Јувентус успеа да го совлада тимот на Наполи во еден од дерби мечевите во ова коло во италијанската Серија А со 3:1 на домашен терен.

До седмата победа во сезоната Јуве дојде полесно од очекуваното, иако работите за „Старата дама“ не тргнаа според планираното.

Наполи во 10. минута од мечот поведе во Торино. Гостите одиграа фантастична акција, а истата ја заврши Дрис Мертенс за предност од 0:1.

По примениот погодок Јувентус доминираше. По неколкуте добри обиди, во 26. минута Роналдо одлично го пронајде Манџукиќ кој лесно погоди покрај заспаната одбрана на Наполи за 1:1.

Можеше Јуве да дојде и до пресврт веќе во првото полувреме. Сепак, гостите се одбранија и на одмор се замина со резултат 1:1.

Меѓутоа, само што започна второто полувреме, „Бјанконерите“ дојдоа до вториот гол. Шутот на Роналдо ја погоди стативата, а Манџукиќ се најде на вистинското место и го постигна својот втор гол за 2:1.

Во 58. минута Наполи остана и со играч помалку. Руи беше исклучен по вториот жолт картон, а со играч помалку Каљехон можеше и да го израмни резултатот. Сепак, неговиот зицер Шчесни, по што казната брзо пристигна.

Во 76. минута мечот веќе беше завршен. По корнерот Роналдо упати удар, Бонучи се најде на вистинското место и ја сврте топката кон мрежата за предност на Јувентус од 3:1.

До крајот Јувентус промаши уште неколку добри шанси. Сепак, резултатот остана 3:1 и Јувентус со 21 бод е далеку пред сите на табелата во Серија А.

ПОВРЗАНИ НАПИСИПОВЕЌЕ ОД АВТОРОТ