Глобалниот феномен наречен „Последниот танц“ го испровоцира светот во последните неколку недели. Научуваме неколку нови факти од кариерата на Мајкл Џордан, а и реакциите не стивнуваат.
Редок запис од натпреварот помеѓу европскиот тим и репрезентацијата на САД од 1982 година ја одушеви јавноста, посебно на просторите на поранешна Југославија. Во овој дуел главната улога ја има легендарниот Дражен Далипигиќ, од една страна и младиот Мајкл Џордан од друга страна.
Натпреварот се одигра во Женева, како дел од турнејата на неколку натпревари кои американската репрезентација, која ја сочинуваа најдобрите колеџ играчи, ги одигра против Европа и репрезентацијата на Југославија.
И покрај големиот талент, младата американска екипа немаше шанси против европските ѕвезди, предводени од Дражен Далипагиќ, Жељко Јерков, советската ѕвезда Ткаченко и легендарниот израелски ас Мики Беркович. Првиот натпревар помеѓу двете екипи се одигра на 18 јуни во Будимпешта, а Европа ги победи Американците со 111-92. Тимот на „стариот континент“ го предводеше Дражен Далипагиќ со 24 поени, додека кај Американците најдобар беше Џордан со 20 поени. Два дена подоцна во Будимпешта, Европа славеше со 103-88, а потоа Американците одиграа уште три натпревари против Југославија во Задар и Загреб.
- Погледнете го спектакуларното видео и дуелот на Далипагиќ и Џордан:
