Капитенот на Вардар, Стојанче Стоилов, со неговите важни голови на мечот против Пик Сегед, повторно влијаеше на целокупниот резултат со кој Вардар патува кон Келн.
Тој имаше толку многу емоции на секој постигнат гол, што тоа придонесе и за симпатичен коментар од главниот коментатор на ЕХФ, кој за капитенот на Вардар рече:
„Погледнете го ова лице, не сакате да го сретнете тоа лице во некоја темна уличка“, алудирајки на тоа со каков жар Стоилов му приоѓа на секој гол.
Том Обранаган е еден од најдобрите коментатори во ракометниот свет, а тоа го докажа и со емотивното издание на мечот Пик Сегед – Вардар.
