Иако е своеглав и ретко ја презема одговорноста, Жозе Мурињо покажа големина и човечност и влезе во соблекувалната на Динамо Загреб и лично им го честита подвигот на Адеми, Ристовски и другарите.
Мурињо им потенцирал дека заслужиле да го елиминираат неговиот блед Тотенхем, а на неговите аплаузи, добил и возвратни аплаузи од „модрите“.
- Честитките на Мурињо во соблекувалната на Динамо Загреб:
Лондонските „петли“ имаат далеку поголем буџет од првакот на Хрватска, а преку Лига Европа бараа место во следната Лига на шампионите. Овој неуспех сигурно ќе донесе нова рунда критики на сметка на португалскиот стручњак, бидејќи сезоната на Тотенхем се движи во надолна линија и без остварување на клупските цели.
