(ВИДЕО) МЗТ Скопје со голем чекор кон враќање во АБА: Го доби Задар и тоа во гости

874

МЗТ Скопје синоќа направи изненадување откако во првиот бараж дуел за пласман во АБА лигата на гостински терен славеше против Задар со 83-89.

Аеродромци сосема заслужено славеа сооглед на тоа што од самиот почеток на мечот го диктираа темпото на игра и водеа во целиот меч, а во одредени делови и со двоцифрена предност. Пред се поради добрата игра во одбраната, но и прецизниот шут од поле.

Бојиќ со 24 поени беше најефикасен кај МЗТ Скопје во чии редови два поени помалку (22) даде Вудард, додека Иванов реализираше 19 поени.

Следниот меч се игра за една седмица, сега во Скопје кога тимот на МЗТ Скопје ќе има меч топка за враќање во елитата.