Големата брзина може да се каже дека е причина за несреќата во скопското село Батинци каде животот го загуби 49-годишен маж.
Од безбедносните камери јасно се гледа дека автомобилот БМВ кој удрил во автомобилот „Шкода“ возел со огромна брзина. Како што може да се види од снимката тој го „прелетал“ автомобилот „шкода“ кој се вртел налево.
Во меѓувреме, МВР соопшти дека со автомобил „шкода“ управувал Н.Р.(49) од село Батинци, додека се судрил со автомобил БМВ управуван од А.Х.(26), исто така од село Батинци.
„По несреќата Н.Р. бил препратен во Ургентен центар во Комплексот клиники „Мајка Тереза“, каде била констатирана смрт. А.Х. се здобил со полесни телесни повреди констатирани и исто така е во Комплексот клиники „Мајка Тереза““, се наведува во известувањето на МВР.
