Водителот на “Fox News”, Такер Карлсон, повикал на одговорност од американските лидери по катастрофата во Кабул.
“Јасно е дека набљудуваме клучна точка во нашата историја. Најочигледната жртва – освен 13-те загинати војници минатата недела – се американските моќ и престиж, кои, за само неколку дена, се значително намалени. Овој момент ќе има големи последици, како во блиска иднина, така и низ генерациите кои одат напред. Но, засега, вреди да се праша, кој ја презема одговорноста за тоа? Кој плаќа за оваа катастрофа? Не многу одамна, на тоа ќе беше лесно да се одговори: нашите лидери. До неодамна одговорните луѓе разбраа дека лидерството доаѓа со обврски, а не само со привилегии. Ако сакате да носите големи одлуки, мора да бидете подготвени да патите ако погрешите. Пролетта 1912-та година Едвард Смит со својот брод налетал на леден брег во северен Атлантик. Додека бродот тонел, Смит не ги обвинувал климатските промени за катастрофата. Стоел пред кормилото и отишол со Титаник до дното на океанот, а луѓето му аплаудирале. Никој не посмислил дека тоа е чудно. Тоа било очекувано. Тој бил главен. Останал до крај”, рекол Такер Карлсон.
Водителот посебно го критикувал и тоа што уште Американци останале во Кабул кој го контролираат талибанците и по повлекувањето на американската војска.
“Војската на Соединетите Американски Држави ги остави нашите луѓе”, рекол Такер Карлсон.
“Наместо да преземе било каков облик на одговорност за катастрофата која ја предизвика, администрацијата на Бајден го прави спротивното – се фали дека завршила одлична работа”, објаснува Такер.
“Луѓето на Бајден веќе објавија дека Белата куќа не планира да казни никој во Пентагон ниту разузнавачките агенции за тоа што сега го гледаме”, рекол тој.
