Единствениот носач на авиони со кој располага руската воена морнарица се запали за време на поправката на пристаништето во Мурманск, по што три лица се здобиле со повреди.
„Според првичните податоци, огнот ја зафатил првата единица за напојување. Од горната палуба може да се види густ облак на црн чад“, соопштиле од итната служба за руските медиуми.
Пожарикарските екипи долго време се бореле со огнот кој најверојатно избил поради непочитување на правилата за безбедност во текот на поправката на застарениот носач на авиони „Адмирал Кузњецов“.
В Мурманске произошел пожар на авианосце «Адмирал Кузнецов»
Крейсер загорелся во время ремонтных работ. pic.twitter.com/Dk8uTRE9wo
— Актуальная Россия (@RussiaActually) December 12, 2019
Носачот на авиони беше користен за време на руската воена кампања во Сирија кога беа забележани низа на инциденти во кои најмалку два борбени авиони се срушија на носачот. Исто така, неодамна на пристаништето во Мурманск бродот беше оштетен откако кран се сруши врз пловилото.
В Мурманске загорелся крейсер «Адмирал Кузнецов» с людьми на борту https://t.co/5Uz17ZBZYU pic.twitter.com/7RXarjEeyE
— FlashNord (@flashnord) December 12, 2019
Инаку, станува збор за носач на авиони кој е изграден во времето на Советскиот сојуз, а во тек е неговата планирана модернизација.
