Тецуја Јамагами (41) којшто пукал во поранешниот јапонски премиер, Шинзо Абе, веднаш бил уапсен.
Станува збор за поранешен припадник на јапонската воена морнарица, пренесува „Фуџи ТВ“. Тој ја напуштил воената служба во 2005 година.
Осомничениот којшто веднаш бил уапсен по пукањето, не се обидувал да побегне, а „NHK“ пренесува дека полицијата му го запленила оружјето и го идентификувала.
Поранешниот лидер на владејачката Либерално демократска партија, погоден бил во грбот во текот на посетата на градот Нара, во рамките на кампањата за избори закажани за в недела.
Агенцијата „NHK“ јавува дека Абе, по вториот истрел којшто бил испукан кон него се срушил на земја, држејќи се за гради. Очевидци тврдат дека обилно крвавел.
Close-up video of #Japanese former PM Shinzo Abe being #shot and the suspect being tackled. pic.twitter.com/w0bNuCt8SZ
— Prateek Pratap Singh (@PrateekPratap5) July 8, 2022
Тој во свесна состојба бил пренесен во болница.
Американскиот државен секретар Ентони Блинкен изразил длабока загриженост поради состојбата на поранешниот јапонски премиер Шинзо Абе.
„Нашите мисли, нашите молитви поради состојбата на поранешниот јапонски премиер се со неговото семејство и јапонскиот народ“, изјавил Блинкен на маргините на состанокот Г20 на индонезискиот остров Бали, пренесува „Ројтерс“.
„Ова е многу, многу тажен настан. Чекаме вести од Јапонија“, додал Блинкен.
