Каљари синоќа сосема заслужено ја совлада Фиорентина во 28. коло од италијанската Серија А.
Каљари славеше со головите на Педро и Сепители, но најдобар погодок беше оној на Чигарини – кој беше поништен.
Чигарини изведе еден прекин од нешто повеќе од 50 метри оддалеченост и со фантастичен удар го лобуваше голманот на Фиорентина.
Меѓутоа, неговиот гол беше поништен бидејќи стануваше збор за индиректен слободен удар. Со оглед на тоа дека Чигарини директно шутираше во голот, неговиот погодок не можеше да биде признат.
Pechvogel van de avond: Cagliari’s Cigarini. Hij schoot van 50 meter de bal in het doel, maar had niet door dat zijn ploeg een indirecte vrije trap kreeg en geen directe. #CagliariFiorentina pic.twitter.com/WtIFzqFCbK
— Wesley Victor Mak (@WesleyVictorM) March 15, 2019
Своето жалење за поништениот гол по мечот го изрази и тренерот на Каљари Роландо Маран.
„Вистинска штета е што голот на Чигарини е поништен бидејќи беше фантастичен момент кој ќе се памети и во годините кои допрва доаѓаат. Со таквата вештина и техника го заслужи голот“, истакна Маран на прес-конференцијата.
