Еден од највисоките облакодери во Кина е итно евакуиран откако започна да се ниша.
Речиси 300 метри високиот облакодер “SEG Plaza” необјасниво започнал да се ниша во околу 13 часот по локално време, по што веднаш била спроведена евакуација на луѓето кои биле внатре и во околината.
Управата за вонредни ситуации истражува што го предизвикало нишањето на облакодерот во округот Футиана во Шенжен, стои во соопштението на платформата „Веибо“.
„После проверката и анализирањето на податоците на различни станици за следење на потреси во градот, заклучено е дека во Шенжен денеска немало потреси. Причината за нишањето го проверуваат повеќе оддели“, стои во соопштението.
Засега не е познато како владата ќе постапи во врска со овој облакодер кој се наоѓа во центарот на градот со популација од 12 милиони жители.
