Огнената стихија во Калифорнија не се смирува. Целиот град Парадајс во кој живееле 27.000 луѓе е целосно уништен, а бројот на загинати постојано расте.
Десетина илјади луѓе биле принудени да ги напуштат своите домови, а меѓу нив има и познати личности. Ким Кардашијан, Кејтлин Џенер, Џерард Батлер, Вил Смит и Алиса Милано се само некои од нив, а на социјалните мрежи кружат страшни фотографии.
Returned to my house in Malibu after evacuating. Heartbreaking time across California. Inspired as ever by the courage, spirit and sacrifice of firefighters. Thank you @LAFD. If you can, support these brave men and women at https://t.co/ei7c7F7cZx. pic.twitter.com/AcBcLtKmDU
— Gerard Butler (@GerardButler) November 11, 2018
Џерард Батлер споделил фотографија на која се гледаат остатоците од неговата вила.
“Се вратив во мојата куќа во Малибу по евакуацијата. Страшни моменти во Калифорнија. Благодарен сум им на пожарникарите. Ви благодарам за храброста, жртвата и позитивниот дух”, напишал актерот и добил пораки за поддршка ширум светот.
Вил Смит
“Ќерка ми е нервозна, па ме натера да излезам надвор. Ова е страшно. Ние сме подготвени за евакуација, чекаме наредба. Ако сте во зоната на евакуација, бегајте веднаш”, порачал актерот.
Кејтлин Џенер
Кејтлин Џенер, татко на Кајли и Кендал Џенер, кој го променил полот, се огласила откако во пожарот изгорела нејзината вила.
Таа порачала дека таа, нејзината девојка Софија и двете кучиња се безбедни. “Многу сме среќни што сме тука и се молиме за сите загрозени. Излеговме од зоната на пожарот, сега сме на безбедно. Се надеваме дека и вие сте безбедни со своите семејства”, порачале Кејтлин и Софија.
Алиса Милано
“Коњите конечно се на безбедно. Моите деца се безбедни. Мојот дом е во загрозената зона, но…сите живи суштества се на безбедно. Ви благодарам на сите за брзината”, напишала ѕвездата на серијата “Charmed”.
Таа редовно се огласува на социјалните мрежи, а последното што го споделила со јавноста е дека и натаму е во безбедна зона.
