Сомотот спаѓа во материјалите кои или многу ги сакате или воопшто не ги сакате, но без разлика какво е вашето мислење, факт е дека станува збор за топол материјал кој е дефинитивно најдобар избор за студените месеци.
Освен што грее, тој е ретро и елегантен и овие есен и зима е материјал број 1!
Негативниот впечаток за сомотот, луѓето воглавно го имаат бидејќи некогаш доаѓаше само во кафеави и беж нијанси, но сега ситуацијата е потполно поинаква.
A post shared by Christine (@lipstick_and_lemons) on
Покрај неизоставните класични сомотски бои, тука е и широката палета на пастелни и впечатливи нијанси, а начините за комбинирање се навистина бројни.
Сакоата и панталоните во боја на чоколадо или некоја друга кафеава нијанса делуваат ретро, а дебелите црни чизми или старки ѝ даваат доза на модерен шик на целата комбинација.
Класичниот крој во пастелни розови нијанси е знак за практична елеганција во секоја гардероба, а за љубителките на впечатливите тонови, сомотот добро се снаоѓа и во палета од нежно розови до корални нијанси.
