Белгиската полиција и војска, со помош на две соседни држави, Германија и Холандија, веќе седум дена се обидуваат да му влезат во траг на пребеганиот професионален војник кој државниот обвинител го окарактеризирал како “терорист”.
Јирген Конингс исчезнал пред една недела, откако ја завршил својата смена во касарна. Познат е како симпатизер на екстремната десница, а двете писма кои ги оставил, едно за полицијата и едно за својата партнерка, биле доволна причина за паника и започнување на досега невидена операција за потрага.
По повеќедневната потрага во шумите на граничниот појас кон Холандија и Германија, во регионот Лимбур, полицијата и војската сега своите напори ги насочиле кон Брисел. Ден по одржувањето на самитот на ЕУ за кој инаку се преземаат широки безбедносни мерки, белгиската полиција на неколку часа затворила една од главните железнички пруги во Брисел, бидејќи имале дојава дека Конингс е виден во близина.
Белгиската полиција и војска со помош на две соседни држави, Германија и Холандија, веќе седум дена се обидуваат да му влезат во траг на пребеганиот професионален војник кој државниот обвинител го окарактеризирал како “терорист”.
"“The Federal Prosecutor’s Office is convinced that he [Jürgen Conings] is no longer in the National Park at the moment. They also do not know where he is…”https://t.co/bNP6KP5hso
— E.J. Hammon 💀🔪 (@RoseDysfunction) May 24, 2021
Конингс е вооружен, а неговото искуство е прилично големо – учествувал во операции во БиХ, Косово и Ирак. Дека нешто планира полицијата заклучила кога сите свои воени одликувања ги оставил на гробот на своите родители.
Федералниот обвинител на Белгија, Фредерик Ван Леу вчера на фламанската телевизија му порачал на Конингс “да контактира некое лице од доверба”, а потоа изразил задоволство што уште никој не настрадал и посакал драмата да се заврши мирно, без жртви.
Поради смртните закани за водечкиот белгиски виролог Марк ван Рантс и најавите за напад на една џамија во Линбург, обвинителството официјално го води Конингс како “лице зе кое постои сомнеж дека е терорист”.
Полицијата дополнително утврдила дека ден пред бегството, два часа бил во близина на куќата на Марк ван Рантс. Овој белгиски виролог е преместен на безбедна локација под строга заштита на полицијата, заедно со своето семејство. Изјавил дека ништо нема да го премисли во работата, но додал и дека неговиот 12-годишен син не разбира зошто не може да оди во училиште.
Letter from fugitive to family: A possible suicide note?https://t.co/MRljsjjoYu#Belgium Jürgen Conings
— Bob Jackson (@1st_infantry) May 22, 2021
Проштално писмо
Дневниот весник “Хет Нојсблад” објавил делови од прошталното писмо кое Конингс и го оставил на својата партнерка.
“Сакам да знаеш дека направив се за да не дојде до ова, но не успеав. Не можам повеќе вака. Не можам да живеам со лаги кои одлучуваат за нашите животи, за тоа како треба да живееме. Таканаречената политичка елита, сега со поддршка на виролог, одлучува како ќе живееме јас и ти. Тие посеаја семе на омраза и фрустрации повеќе од било кога. Знам дека наеднаш ќе станам државен непријател број еден. Ќе ме бараат, а еден ден и ќе ме пронајдат. Подготвен сум на тоа. Полека, но сигурно, работите ќе дојдат на свое место и започнав со подготовките. Не е важно дали ќе загинам или не. Ако загинам, тоа ќе биде на мој начин. Последните денови ќе ги живеам како што јас сакам”, напишал Конингс.
Еден од главните команданти на белгиската војска, Марк Тис, рекол дека е разочаран што меѓу војниците има и такви кои го поддржуваат Конингс. Дури 25.000 корисници на Фејсбук, како што пренесуваат белгиските медиуми, го поддржале војникот.
Генералот Тис предупредува дека ова не е “филмска приказна” и дека тука нема херои: “Конингс, без разлика на неговото минато во војската, со својот чин ја прекрши својата заклетва и негвоата постапка не може да се оправда со ништо”, рекол Тис.
