Македонски војник сместен во база во Африка ќе пристигне на лекување во Македонија поради неможност да биде лекуван во воената база, објави „Фокус“, а потврди министерот за здравство Венко Филипче.
Министерот за здравство, Венко Филипче потврди дека доаѓа ваков пациент со посебен транспорт од Африка.
– Се работи за војник, македонски државјанин, бил во база каде нема услови да биде лекуван. Засега нема типизација за каков сој коронавирус се работи но пациентот ќе биде сместен во изолација, изјавил Филипче за „Фокус“.
