Австрискиот канцелар Себастијан Курц изјави синоќа дека Виена е на мета на гнасен терористички напад и порача дека војската излегла на улиците на главниот град за да го штити додека полицијата е сконцентрирана на антитерористичката операција.
„Моментално во нашата република минуваме низ тешки моменти. Им се заблагодарувам на силите на безбедност кои ги ризикуваат своите животи. Полицијата одлучно ќе делува против сторителите на овој гнасен напад“, изјави Курц.
Најмалку две лица, меѓу кои и еден терорист се убиени во терористичкиот напад на повеќе локации вечерва во Виена.
Министерот за внатрешни работи на Австрија, Карл Нехамер изјави дека станува збор за повеќе напаѓачи кои отвориле оган на шест локации во близина на виенската синагога.
Во меѓувреме, на социјалните мрежи се појави снимка на која може да се види моментот кога терористите се предаваат.
Виенската полиција засега не ја потврдува автентичноста, а на снимката направена во австрискиот главен град може да се види како терористите се предаваат пред специјалците.
The moment of the criminals surrender #Vienna #ViennaAttack pic.twitter.com/UfhZOJqKdL
— Buket Uzunoğlu (@Birbuketgokyuzu) November 2, 2020
