Вработен во Агенцијата за аудио и аудиовизуелни услуги вчера на работното место со нож ѝ се заканувал на колешка, потврдија од МВР за „Макфакс“.
„Вчера, во 14:48 часот Ш.Т. пријавила дека во канцеларија на Агенцијата за аудио и аудиовизуелни услуги на улицата Македонија нејзиниот колега Н.З. почнал вербално да ѝ се заканува, а потоа ѝ се заканувал и со нож.
Полициски службеници излегле на местото на настанот. По целосно документирање на случајот, против Н.З. ќе биде поднесен соодветен поднесок, соопштија од МВР.
