По долги разговори и преговори меѓу претседателот на Србија, Александар Вучиќ и турскиот лидер Реџеп Таип Ердоган, српската државна делегација денеска отпатува за Анкара, каде ќе се договорат за набавка на повеќе системи на борбени беспилотни летала од типот „Барјактар“, објави Информер!
Според пишувањето на Информер, српска владина делегација предвидена од министерот за финансии Синиша Мали заминале во Турција. Тие треба да ги решат сите детали и да ја подготват целата документација и договорот врз основа на кој еден од најмоќните борбени системи на беспилотни летала во светот ќе пристигне во Србија.
Барјактар е систем од турско производство што се покажа како исклучително ефикасен во воените конфликти во Сирија, Ирак, Либија, но и во неодамнешните судири во Нагорно Карабах.
Со овој систем на беспилотни летала, Србија би станала убедливо најмоќната воена сила во поранешна Југославија.
Србија е секогаш заинтересирана за подобрување и зајакнување на својата борбена готовност, рече претседателот на Србија, Александар Вучиќ, одговарајќи на прашањето дали Србија купува турски беспилотни летала.
Ние мора да бидеме подготвени да не бидеме изненадени, како што некои неодамна беа изненадени. Не ни е лесно, мора да одвоиме значителни средства за тоа. Србија е навистина и искрено неутрална, а Србија сака сама да го брани и заштити своето небо. Слушајте ме како политички ветеран, тоа ќе биде мудра инвестиција. Ние сигурно ќе купиме повеќе беспилотни летала во иднина, а сето тоа зависи од договорот со Турција, рече Вучиќ на прашањето дали се точни информациите за набавка на турски беспилотни летала.
