Wizz Air е најголемата нискобуџетна авиокомпанија во Централна и Источна Европа која располага со 104 авиони Ербас А320 и Ербас А321 и нуди повеќе од 600 рути од 24 бази, кои поврзуваат 143 дестинации во 44 земји
Со тим од околу 4.000 професионалци во воздухопловството обезбедува супериорна услуга и најниски цени на билетите што го прават Wizz Air најпосакуваниот избор на 31 милион патници.
Компанијата, за своите тековни потреби, објави оглас за вработување на кабински персонал.
Доколку сакате компетитивна плата, стабилна работа во брзорастечка компанија, можност да посетите голем број на дестинации ширум светот и многу други бенефиции, погледнете го огласот и испратете ја вашата апликација не подоцна од 02.11.2018.
Карти од 599 денари – WizzAir го објави летниот распоред од Скопје за 2019
Авиокомпанијата Wizz Air го објави летниот распоред за 2019 година за летови од аеродромот во Скопје и истиот може да се погледне на официјалната страна на компанијата.
Почнувајќи од денес, патниците од Скопје можат да ги резервираат своите карти за нивниот следен летен одмор, службено патување или посета на пријатели од само 599* МКД. Во следните две недели цените за летната сезона ќе бидат исклучиво достапни за членовите на WIZZ DiscountClub, додека од 13 септември 2018 тие ќе станат достапни за сите.
Без разлика дали барате да резервирате семеен одмор на плажа, или да одите на градска прошетка за да откриете еден од најпопуларните градови во Европа, сигурно има дестинација во разновидната мрежа на Wizz Air за да ја исполни вашата желба. Ги повикуваме патниците да ја посетат wizzair.com и да ги обезбедат најдобрите понуди за нивното следно патување од Скопје, изјави Сорина Ратц, шеф на Корпоративни комуникации во Wizz Air.
Авиокомпанијата нуди над 1.2 милиони седишта од Скопје за следната година, истакнувајќи ја својата посветеност за донесување на нови можности за патување во земјата со навистина поволни цени. WIZZ во 2019 година нуди 27 директни дестинации до 13 земји во Европа и пошироко.
„Wizz Air” по примерот на својот главен конкурент Ryanair најави дека рачниот багаж во авионите, кој сакате да го качите со вас, ќе се плаќа. Според компанијата новото решение ќе го направи качувањето на патниците во авионот побрзо.
Според новата политика на авиопревозникот, која ќе стапи на сила од 1 ноември, бесплатно ќе може да се качува во авионот исклучиво багаж со димензии до 40х30х20 см што е приближно колку чанта или торба за лаптоп.
За секој поголем рачен багаж патниците ќе треба да си купат налепница “Wizz Priority”, чија цена започнува од 5 евра.
Предметната налепница ќе овозможува качување на багаж со димензии до 55џ40џ23 см. Со него ќе е можно и приоритетно чекирање и качување во авионот. Во последниве месеци авиопревозникот дозволуваше бесплатно качување рачен багаж, но во багажниот простор. Од 1 ноември оваа опција е отфрлена. Качувањето на чекиран багаж со тежина до 10 кг пак ќе е можно со налепница, чија цена почнува од 7 евра.
