Премиерот Зоран Заев на денешната прес-конференција најави дека индустријата за одгледување канабис ќе биде во 10-те најголеми приоритети на земјата во новата 2021 година.
– Политиката на владата е не само да ги препорачува, туку да ги поддржува компаниите кои влегуваат во овој бизнис, кој во нашата земја отвора илјадници нови доброплатени места Искуствата на други држави како Холандија, Канада и Чешка, кажуваат дека овие земји годишно заработуваат околу 55 милијарди долари од оваа дејност, рече Заев.
Во Македонија досега се одобрени 59 лиценци од оваа дејност
– Владата е во постојана комуникација со претставниците на компаниите со цел оваа индустриска гранка да се развива согласно светските текови и европските регулативи. Маслата од канабис и други продукти влијаат позитивно на лекувањето на мултиплекс склероза, ХИВ, паркинсонова болест, епилексија и малигни заболувања, додаде претседателот на Владата.
Заев најави брзо прифаќање на измените и дополнувањата на законот за опојни дроги.
– Тоа ќе овозможи извоз, нови инвестиции и развој, како и 250 милиони евра производство во 2021, истакна Заев.
Тој најави и проширување на листа на дијагнози за медицински канабис и декриминализација и депенализација преку измена на Кривичниот законик за употреба на мали количини.
– Не е во ред да се оди во затвор за пола грам природен канабис за лична употреба. Невладините организации се во право, наведе премиерот.
Во 2021 ќе се одржи и отворена дебата за легализацијата, која треба да заврши до крај на јули, а потоа законското решение ќе се пресели во парламентот.
