Заев му подари икона од Свети Пантелејмон на Вучиќ: Овој светец е познат по исцелувањето на болните

513

Премиерот Зоран Заев му подари вчера на српскиот претседател Александар Вучиќ икона од Свети Пантелејмон, кој животот го посветил на лекување на болните.

„На претседателот @avucic му подарив икона од светецот Пантелејмон, кој своевремено целиот свој живот го поминал во лекувањето на болните и во служба на изнемоштенит“, напиша Заев на Инстаграм.

Пратката со 4 680 вакцини вчера ја прими премиерот Заев од српската делегација која ја предводеше Вучиќ. Вкупната количина која треба да ја добие земјава од Србија е 8000 вакцини.

Вакцинацијата почнува во среда, а со вакцините на „Фајзер“ први ќе бидат вакцинирани здравствените работници во ковид-центрите.