Премиерот Зоран Заев на денешната прес-конференција, претставувајќи ги приоритетите на Владата за 2021, рече дека на Бугарија и е понудено да го надгледува македонското небо во рамки на НАТО-сојузништвото.
– Владата донесе одлука да и се понуди на Бугарија да биде втората земја по Грција да го покрива небото. Оваа понуда значи зголемување на доверба кај бугарскиот народ во заедничките односи, рече Заев, одговарајќи на новинарско прашање.
Тој рече дека вградувањето на историјата во опшптествени науки како посебен предмет во образованието нема никаква релација со македонско-бугарските односи, туку како што вели, продолжување со реформите во модерното време и дигитализација.
– Тие почнаа уште во времето на министерката Дескоска и Арбер Адеми. Образованието постои заради учениците, а засегнатите наставници нека ми простат. Нашата намера е вишок не непотребни содржини да се отстранат, а да се дадат содржини за развојот на карактерот на децата, додаде премиерот.
Заев рече дека во втората половина од 2021 очекува односите со Бугарија да бидат порелаксирани, а во межувреме додаде дека „европеизацијата на државата нема да застане“
