Премиерот Зоран Заев во интервјуто за Сител рече дека ќе биде првите меѓу првите кои се вакцинираат против вирусот Ковид-19.
Без да ги кршам протоколите, да не бидам пред сестрите, докторите или слично. Ако притоа е важно за сите да оцениме оти треба да го дадам примерот, јас ќе го дадам веднаш, несакајќи да ги прекршам протоколите односно да ги скокнал лекарите и пензионерите или хронично болните. Меѓутоа, сигурно ќе бидам меѓу првите што ќе ја прими вакцината за да испратам порака дека е здрава, дека е безбедна – рече Заев.
Вели дека сите треба да ја примат вакцината.
Треба да знаеме сите дека нема да има можност да не пушти никој да излеземе надвор од државата, односно да влеземе во друга држава ако немаме примено вакцина. Сите се штитат за да не се шири заразата. Колку порано се вакцинира населението, толку побрзо ќе ја искорениме оваа ковид криза и ќе се вратиме во нормала – рече Заев.
