58-годишниот актер Џо Лара загинал во стравична авионска несреќа.
Прославениот Тарзан летал со сопругата Гвен Шамблин Лара во приватен авион, а покрај него загинале уште 5 лица.
Како што е соопштено на конференцијата за медиуми, авионот се срушил во езеро близу Нешвил, некаде околу 11 часот наутро, набрзо откако полетал од аеродромот Смирна, Тенеси кон Палм Бич, Флорида.
Националната безбедносна организација на Флорида веднаш започнала истрага за причината за несреќата.
Џо и неговата сопруга Гвен имаа заеднички Јутјуб канал кој по принцип беше реалити програма, а главни учесници беа токму тие двајца. Тие го снимаа своето секојдневие и отворено зборуваа за својот однос и љубовта.
Лара го играше Тарзан во филмот „Tarzan in Manhattan“ во 1989 година, а подоцна глумеше во телевизиската серија „Tarzan: The Epic Adventures“, која траеше од 1996 до 1997 година. Покрај Тарзан, Џо ќе остане запаметен по многу други улоги во филмовите како „American Cyborg“, „Steel Warrior 1993“, „Steel Frontier“, „Warhead“, „Armstrong and Doomsdayer“ и други.
