Плус сајз манекенката Искра Лоренс е една од најгласните кога станува збор за движењето „body positivity“, па таа храбро објавува свои необработени фотографии и ги поттикнува жените да ги сакаат и прифатат своите маани.
Таа неодамна направила уште еден чекор којшто ќе придонесе во подигнување на свеста на користењето фотошоп и различни филтери и апликации за разубавување.
Имено, британската убавица позирала пред фотографката Линди Блекјер и тоа по пат на Zoom.
Искра на фотографијата позира целосно голa, а во рацете го држи своето 13-месечно синче.
Оваа 30-годишна девојка носела и предолга руса перика којашто ги прикривала нејзините гради, а целата сцена е инспирирана од ренесансата, со желба на публиката да ѝ покаже дека фотошопот не е ограничен само на изгледот на моделите туку и на цело опкружување.
„Креатор. Некој којшто дава живот. Некој со цел. Ќе бидам благодарна на секојдневниот подарок којшто ми го дава животот. Вие сте мојата цел и мотивација, да бидам подобар човек и да придонесам светот да стане место на коешто сите се сакаат и прифаќаат.
Не можам доволно да ѝ се заблагодарам на Линди што го „улови“ овој момент меѓу мене и моето бебе. Ми значи што постои уметноста која што може да го засведочи моето мајчинство и растот на моето дете. Јасно е дека фотографијата е направена на програми со додавање на други елементи, редуцирана светлина и бои. Но, мојата кожа и обликот на телото не се измислени.
Ова е многу важно за да научиме дека фотошопот не придонесува само на отворените стандарди и идеали за убавина, туку може да помогне да создаде вакво уметничко дело коешто не го менува изгледот на човекот“, напишала Искра.
Инаку, Искра е една од најдобрите светски модели во категоријата плус сајз, но позната е и како социјална активистка и жена којашто активно работи на рушење на стереотипите и табуата за женското тело и убавина.
