Жена вооружана со кујнски нож утринава нападнала деца на влезот во детска градинка во кинескиот град Чонгкингу на југозападот од земјата и повредила 14 деца, објави полицијата.
32 годишната жена е идентификувана само според своето презиме Лиу, а децата ги нападнала кога се враќале од утринска гимнастика во околу 9:30 часот по локално време, објави полицијата на официјалната страна на Weibou. Дел од медиумите јавуваат дека две деца починале, но полицијата тоа го демантираше.
Повредените деца биле пренесени во болница, а чуварите и вработените ја совладале напаѓачката, рекла полицијата и додаде дека истрагата сè уште трае. Во изјавата не се наведуваат можните мотиви за напади.
Личност со нарушено психичко здравје?
Насилните злосторства во Кина се ретки во споредба со многу други држави, особено во големите градови каде безбедноста е многу засилена, меѓутоа серија на напади со нож и секири се случиле изминатите години, а жртви биле деца.
За таквите напади најчесто се виновни лицата со психичко нарушено здравје.
Напаѓачите најчесто користат ножеви, бидејќи контролата на оружје во Кина е исклучително строга. Кина во септември погуби еден маж осуден за убиство на девет ученици и повредување на 11 во напад со нож во средно училиште во покраината Шанкси.
