Зинедин Зидан е тип на тренер кој секогаш на прво место го стави колективниот успех, а не индивидуалните квалитети на негов играч за време на еден натпревар, па иако најчесто сака да зборува за тимот како целина кога се остваруваат добри резултати, летниот одмор го искористи за да му додели една фасцинантна пофалба на играчот кој често е во втор план и незапазен од медиумите.
Во интервјуто кое го направи за „Реал Франс“, популарниот Зизу посебно внимание обрна на тивкиот лидер на средината на теренот, Германецот Тони Крос за кого тој смета дека може да биде пример за секој играч во професионалниот фудбал.
– Тони Крос не е еден од нашите капитени, но поради работите кои ги прави, исто како да има таква улога. Има недопрен квалитет за лидер и тој е голем авторитет во соблекувалната.
– Тони е момче кое не зборува многу, често е мирен и многу резервиран, но кога треба да зборува, со право го прави тоа. Знае да му се обрати на секого кога е потребно, на тренер, на директори, на соиграчи и тогаш не се штеди. Сум видел многу говори во кои неговото учество на крајот било клучно. Тој е толку добар, што може да игра како „6-ка“, како класичен играч за врска, како офанзивец и како „10-ка“. Каде и да го ставите, тој се адаптира. Негов најголем квалитет е спокојството, никогаш не е нервозен и самоуверен е во тоа што го прави.
– Неговиот живот е заснован од фудбалот и семејството, останатото не го интересира. Само фудбалот и семејството. Ќе биде запаметен како спектакуларен фудбалер, пример за сите и еден од најдобрите на својата позиција. Навистина многу го почитувам. Многу сум среќен што сум негов тренер. Кога ќе се пензионирам, можам да кажам дека ги тренирав Кристијано, Бејл, Модриќ, Рамос, но исто така ќе кажам дека го тренирав Тони Крос. Неверојатно е чувството да го гледате како тренира секој ден. Страшен професионалец, кога зборувате за него, зборувате за нешто навистина извонредно, – завршува Зизу.
