Златан Ибрахимович ja посвети шампионската титула со Милан на починатиот агент, Мино Раиола откривајќи дека токму тој е најзаслужниот што по враќањето а американската МЛС-лига потпишал за Милан.
Златан се наметна како лидер на “росонерите“ и го предводеше тимот до феноменален успех, а при прославата не пропушти да го спомне својот агент.
“Ова скудето е за Мино, ова ми е прв трофеј што го освојувам без него. Tој е и најзаслужниот што дојдов повторно во Милан. Наполи беше многу загреан за мене и бев блиску до потпис, но се мислев. Тогаш се видов со Мино, кој ми рече, оди во Милан ти си единствениот што може да го врати онаму каде што припаѓа. Не размислував многу, следниот ден седнав со челниците на Милан и веднаш се договоривме“, истакна шведската легенда.
Сјајниот голгетер се уште не знае дали ќе продолжи да игра и наредната сезона, по големите проблеми со повреди што ги имаше во текот на годинава.
“Сеуште сакам да играм, но не знам колку ќе бидам во можност. Наскоро ќе минам детални прегледи, па ќе видиме дали ќе морам да одам на операција и какви се прогнозите, кога и колку би можел повторно да играм фудбал. Штом ги знам сите овие работи, ќе ја донесам конечната одлука“, изјави иконата на миланскиот клуб.
Димитар Младеновски
