Многумина од вас можеби го чуле животното правило: “Сè она што сакате да ви прават луѓето, правете им го и вие; зашто тоа е Законот и пророците.“
Но дали некој знае кој е авторот? Некој можеби ќе спомене некој писател, автор, некој ќе спомене некоја книга од која го прочитал….но одговорот е едноставен: Исус Христос.
Неговите правила се безвременски и важат за секогаш. Прочитајте дел од нив кои би требало секој од нас да го применува секојдневно.
„Не судете, за да не бидете судени; зашто, со каков суд судите, со таков ќе бидете судени; со каква мерка мерите, со таква и ќе ви се мери.“
„Посакајте и ќе ви се даде; барајте и ќе најдете; чукајте и ќе ви се отвори; зашто секој што моли, добива, и кој бара, наоѓа, и на оној што чука ќе му се отвори.“
“Вистина, вистина ви велам: кој го слуша словото Мое и верува во Оној Кој Ме пратил, има живот вечен и нема да дојде на суд, туку преминал од смрт во живот.“
“Сè што Ми дава Отецот, ќе дојде кај Мене; а кој доаѓа кај Мене, нема да го избркам надвор“
„Ако вие останете во Моето слово, навистина ќе бидете Мои ученици; и ќе ја запознаете вистината, и вистината ќе ве ослободи.”
“Вистина, вистина ви велам; кој ќе ги запази зборовите Мои, нема да види смрт довека.”
“И ако некој ги чуе зборовите Мои, и не поверува, Јас нема да го судам, зашто не дојдов да му судам на светот, туку светот да го спасам.Кој се откажува од Мене и не ги прима зборовите Мои, има Кој да го суди: Словото што го кажав, тоа ќе го осуди во последниот ден.“
“Нова заповед ви давам: да се љубите еден со друг; како Јас што ве возљубив, така и вие да се љубите еден со друг. По тоа ќе ве познаат сите дека сте Мои ученици, ако имате љубов меѓу себе.”
“Ако Ме љубите, пазете ги Моите заповеди.“
