До пред неколку години се чинеше дека најголемите фудбалски ѕвезди нема да имаат достоен наследник, меѓутоа се појави едно момче кое ја украде целата слава – Килијан Мбапе.
Играчот кој е вистински хит, не само на ова Светско првенство, туку и во последните неколку години, редовно ја тресе мрежата и нема намера да запре.
Фактот дека се наоѓа на листата на најплатени фудбалери во светот, иако има само 19 и пол години, доволно говори за каков суперталент станува збор. Најчесто го споредуваат со Тиери Анри, споменувајќи го како негов единствен и вистински наследник.
Тој на Мундијалот во Русија заблеска кога тоа беше најпотребно – во осминафиналето против Аргентина. Беше убедливо најдобар играч на мечот со постигнати два гола кои ѝ овозможија на Франција да се пласира помеѓу осумте најдобри земји.
Сега од него се очекува уште повеќе, но мора да се има на ум дека тој сè уште е млад играч кој допрва ќе му покаже на светот што навистина може. Меѓутоа, постои една статистика која покажува колку Мбапе е всушност добар.
Само за потсетување, фудбалерот на Пари Сен-Жермен има само 19 и пол години.
